Janë katër plane që dalin nga kontrata koncesionare e Aeroportit Ndërkombëtar të Prishtinës, “Adem Jashari”, të cilat kanë mbetur të papërfunduara ende, shkruan sot Koha Ditore.
Ka ngecur realizimi i njërës nga dy platformat për shkrirjen e akullit, zgjerimi i korsive për taksistë, zona e re për trajnim për shërbimet e shpëtimit e zjarrfikësit dhe zona e sigurisë në fund të pistës. Por sipas udhëheqësve të Njësisë së partneritetit publiko-privat asnjë nga 4 pikat e mosrealizuara deri më tani nuk ndikon në asnjë mënyrë në performancën e aeroportit.
