Forcat e sigurisë në Kazakistan vranë dhjetëra protestues antiqeveritarë, që kanë dalë në rrugë pas dyfishimit të çmimit të gazit për makina. Rusia ka dërguar trupa me kërkesë të presidentit kazak, ndërsa situata mbetet e rëndë
Nga Olga Ivshina, BBC
Shpejtësia me të cilën këto protesta u kthyen në të dhunshme mund të ketë befasuar shumë njerëz, si në Kazakistan dhe më tej në rajon. Kjo lë të kuptohet se protestat nuk kanë të bëjnë vetëm me rritjen e çmimit të karburantit.
Megjithatë ai u largua në mesin e protestave antiqeveritare, të cilat u përpoq që t’i kufizonte duke u dorëhequr dhe duke vënë një aleat të ngushtë në vendin e tij.
Shumica e zgjedhjeve në Kazakistan fitohen nga partia në pushtet me gati 100 përqind të votave dhe nuk ka një opozitë efektive politike.
Analistët me të cilët kanë folur thonë se qeveria e Kazakistanit e ka nënvlerësuar qartësisht faktin se sa e zemëruar ishte popullsia dhe se këto protesta nuk ishin befasuese në një vend pa demokraci elektorale- ku njerëzit dalin në rrugë për t’u dëgjuar.
Dhe ankesat e tyre e tyre me siguri të plotë janë për shumë më tepër çështje sesa vetëm për çmimin e karburantit.
