Gjykata Kushtetuese, ditën e sotme ka rrëzuar kërkesat e ish-ministrit të Mjedisit, Lefter Koka, i cili kërkoi shfuqëzimin e vendimeve të marra ndaj tij nga Kolegji Penal i Gjykatës së Lartë.
Koka i ka cilësuar vendimet e kësaj gjykate si antikushtetuerse, ndaj dhe ka kërkuar rrëzimin e tyre.
Vendimi lidhet me masën ndëshkuese të ndërmarrë ndaj tij, ajo e arrestit më burg, më 5 janar 2023.
Po ashtu kërkohej shfuqizimi i vendimit të marrë dhe dërgimi për rishqyrtim në Gjykatën e Lartë.
Koka aktualisht është në burg pasi është shpallur fajtor për aferën e inceneratorëve, atë të Elbasanit dhe Fierit.
