Këshilli i Sigurimit të OKB-së përmes një njoftimi në uebfaqen zyrtare ka njoftuar se nesër do të mbahet sesioni i këtij këshilli për Kosovën.
Sesioni vjen pas reagimeve të shumta që muajin e kaluar kishte shkaktuar kërkesa e ambasadores së SHBA-ve në OKB, Nikki Haley, për largimin e misionit të OKB-së (UNMKIK) nga Kosova.
Kryesuese e radhës e këshillit të Sigurimit për muajin nëntor është Kina.
Menjëherë pas publikimit, Presidenti i Serbisë, Aleksandar Vuçiq tha se kjo gjë do ta linte vendin e tij pa zgjidhje tjetër pos të reagonte për t’i “mbrojtur” qytetarët serbë në Kosovë.
Kurse, ministri i Punëve të Jashtme të Serbisë, Ivica Daçiq kishte thënë se UNMIK-u largohet nga Kosova vetëm me mbështetjen e Rusisë dhe Kinës.
Por, kërkesa e ish-ambasadores së Amerikës në OKB, Nikky Haley për largimin e UNMIK-ut nga Kosova ishte cilësuar si një hap pozitiv nga ana e Kosovës.
