Shkruan: Kim Mehmeti
Lexova diku se drejtuesit e “Eurovisionit’ nuk qenkan të kënaqur me koreografinë e përfaqësues së Shqipërisë në këtë festival, ngaqë ajo koreografi konsiderohet shumë provokuese dhe jo e përshtatshme për moshat jomadhore.
Mediat gjithashtu raportojnë se kërkesa që ta ndryshojë koreografinë, shumë e paska mërzitur këngëtaren shqiptare.
Dhe si mos të mërzitet kur nuk i lejohet publikisht të dëshmojë sa të ‘civilizuar’ e sa ‘mendjehapur’ jemi ne shqiptarët, të tregojë se te ne prej moti cullakëria është artë në vetvete dhe se te ne, nuk këndon zëri, por prapanica dhe gjoksi cullak.
Sidoqoftë ia dolëm: e çuam edhe Evropën të ndjehet inferiore përballë arritjeve tona ‘civilizuese’.
Dhe nëse do vazhdojmë të ‘civilizohemi’ me këtë intensitet, nëse pra cullakosjen do e kemi dëshmi parësore për atë sa jemi çliruar nga tabutë, atëherë do mund të ndodh që të huajt të besojnë se vendbanimet tona janë të mbipopulluar me paturpësi e amoral. (Kim Mehmeti)/sakte.net
