Bashkimi Evropian pret zbatim të plotë të të gjitha marrëveshjeve në dialogun midis Prishtinës dhe Beogradit duke përfshirë edhe marrëveshjen për formimin e Asociacionit të Komunave Serbe.
Kështu ka deklaruar zëdhënësja e Komisionit Evropian Maja Kocijançiq në prag të fillimit të raundit të ri të dialogut Prishtinë-Beograd.
“Si gjithmonë, dhe për një kohë të gjatë, ne presim zbatimin e plotë të asaj që është rënë dakord në dialog. Kjo vlen për çështjen e marrëveshjes së Asociacionit, si dhe marrëveshjeve të tjera, të tilla si energjia. Kjo është pritja jonë. Puna në këtë kuptim është intensifikuar. Këto takime në ditët e ardhshme janë një dëshmi konkrete se ne po punojmë në këtë drejtim”, tha ajo.
