Drejtori i FBI-së, James Comey ka konfirmuar për herë të parë se FBI po e heton ndërhyrjen e supozuar të qeverisë ruse në zgjedhjet presidenciale të vitit 2016 në Amerikë.
Kjo përfshin hetimin e lidhjeve të mundshme në mes të individëve në kampanjën e Trumpit dhe qeverisë ruse, si dhe nëse ka pasur koordinim mes elektoratit të Trumpit dhe Rusisë, shkruan BBC, transmeton Klan Kosova.
Trump ka mohuar ndonjë bashkëpunim të fshehtë, ndërsa FBI ka thënë se do ta vlerësojë nëse janë kryer krime.
Drejtori i FBI-së po fliste në një seancë të rrallë dëgjimore në komitetin kongresional të inteligjencës.
