Njerëzit të cilët kanë përjetuar humbje të madhe në jetë më lehtë përballen me vështirësitë, fatkeqësitë dhe ngjarjet e paparashikueshme, ndërsa në jetën e përditshme kanë më pak stres se të tjerët.
Edhe pse përvoja e humbjes së të dashurve është jashtëzakonisht e rëndë, ajo në fakt na forcon, ka treguar një studim i Universitetit Buffalo. Ata të cilët gjatë jetës kanë përjetuar ngjarje të rënda, në jetën e përditshme kanë më pak stres. Kështu ata që kanë pasur jetë “të vështirë” dhe të “dhimbshme” më lehtë përballen me situatat e papritura tragjike, transmeton koha.net.
Shkencëtarët theksojnë që është shumë joreale të pritet që individi nuk do të ketë nevojë të përballet me disa situata të rënda në jetë, por pikërisht ato e mësojnë që të gjendet në situata tjera të papritura.
“Ngjarjet traumatike na bëjnë kalitin dhe forcojnë, edhe pse në disa situata ato mund të dëmtojnë dikë për tërë jetën, shpesh na bëjnë mirë dhe janë pjesë përbërëse e përvojave tona”, ka thënë udhëheqësi i studimit, dr. Mark Seery.
