Konjufca ka thënë se tani ka ardhur koha qe UNMIK-u të përfundojë mandatin e tij në Kosovë.
“Rezoluta 1244 e vitit 1999 në Këshillin e Sigurimit ka pasur për qëllim ndaljen e spastrimit etnik të popullit të Kosovës nga Serbia. Tani është një periudhë tjetër kohore dhe UNMIK-u duhet të përfundojë mandatin e tij”, ka thënë Konjufca.
Ai ka shtuar se “Serbia ka dërguar pyetjen në Gjykatën Ndërkombëtare të Drejtësisë lidhur me shpalljen e Pavarësisë së Kosovës dhe është qëndrim hipokrit i Serbisë që të mos pranojë përgjigjen e kësaj gjykate të nderuar e cila ka konsideruar se shpallja e pavarësisë së Kosovës nuk ka shkelur të drejtën e përgjithshme ndërkombëtare”
Konjufca ka folur edhe për zhdukjen e Ukshin Hotit dhe të zhdukurit e tjerë në luftën e fundit të Kosovës për të cilët Serbia ende nuk bashkëpunon për të pagjeturit.
Konjufca ka thënë se dialogu mes Kosovës dhe Serbisë është dialog për të përmirësuar marrëdhëniet mes dy shteteve dhe jo sic deklaron ministri Dacic se dialogu mes dy shteteve duhet të zhvillohet për statusin e Kosovës.
Ai në këtë paraqitje ka kërkuar nga Ministri i Jashtëm i Serbisë që të ndalojë përpjekjet kundër pavarësisë së Kosovës.
