Numri i personave që rezultojnë pozitiv me Kovid- 19 është rritur në 34. Një grua 75-vjeçare vdiq mëngjesin e sotëm në Codogno; një pacient vdiq në Veneto, ndërsa një tjetër është në gjendje shumë të rëndë.
Masat kufizuese, si ato të vendosura për 10 komuna në rrezik në zonën e Lodi-t, janë miratuar gjithashtu në Vo Euganeo dhe Teolo, në rajonin e Venetos.
Sipas llogaritjes së Universitetit Johns Hopkins, numri i të vdekurve në të gjithë botën është 2360. Numri i përgjithshëm i rasteve të konfirmuara të infektimit është 77,662. Ndërsa pacientët e shëruar raportohet se janë 21,029.
Drejtori i Organizatës Botërore të Shëndetit, Tedros Adhanom shkroi në “Twitter” se në 80 përqind të rasteve infeksioni i Koronavirusit është i butë, si dhe 20 përqind kritik. Vetëm në 2 përqind të rasteve të raportuara, “virusi është fatal”.
