Presidentja e Kosovës, Vjosa Osmani, ka komentuar situatën politike në Kosovë , duke folur nga Tirana, ku po merr pjesë në Samitin e Komunitetit Politik Europian.
Osmani theksoi se është e domosdoshme të gjendet një zgjidhje e shpejtë për të kapërcyer ngërçin institucional.
“Populli kosovar ka shumë pritshmëri. Duhet gjetur patjetër një zgjidhje për të vendosur se kush do të jetë kryetari i Parlamentit dhe kush do të jetë qeveria e zgjedhur. Do të ketë një zgjidhje shumë shpejt sepse është në interes të popullit. Parlamenti duhet të marrë vendime të rëndësishme dhe po humbasim duke mos pasur rezultate”, u shpreh Osmani.
