Dy persona janë vrarë, si pasojë e të shtënave me armë zjarri në një lokal në Klinë.
Zëdhënësi i policisë rajonale për Pejën, Fadil Gashi, ka bërë të ditur se ngjarja ka ndodhur rreth orës 17:00 , në një lokal në sheshin “Mujë Krasniqi”.
Ai ka shtuar se njëri ka vdekur në vendin e ngjarjes, teksa tjetri i plagosur fillimisht është dërguar në spital. Mediat raportojnë se edhe personi i plagosur po ashtu ka vdekur, duke mos i mbijetuar plagëve.
Një person është arrestuar, ndërsa në vendngjarje tashmë janë dy prokurorë të krimeve të rënda.
© SYRI.net
