Xavi nuk dëshiron që djali i mrekullueshëm i Barcelonës, Lamine Yamal të krahasohet me ish-legjendën e klubit, Lionel Messi, pasi ai tashmë “po luan në një nivel brutal”.
Duke folur për gazetarët, menaxheri i Barcelonës tha: “Shpresoj se Lamine mund të shënojë një epokë (në futboll), por ne nuk po i bëjmë asnjë nder duke thënë këtë. Është e vërtetë që pritshmëritë janë të mëdha dhe, në moshën 16-vjeçare, ai po luan në mënyrë ‘brutale’, nivel, i cili është jashtëzakonisht pozitiv. Por le të shohim se çfarë ka e ardhmja, pa e krahasuar atë me Messin. Nuk ka shkuar aq mirë për të gjithë lojtarët që janë krahasuar me Messin në të kaluarën”.
Yamal është paraqitur në nëntë ndeshje për gjigantët katalanas në të gjitha garat dhe ka kontribuar me dy asistime.
Gjatë pushimit ndërkombëtar në shtator, ai u bë debutuesi dhe golashënuesi më i ri ndonjëherë në historinë e futbollit spanjoll kur shënoi golin e tij të parë ndërkombëtar në fitoren 7-1 të “La Roja” kundër Gjeorgjisë në kualifikueset e Euro 2024, shkruan Goal .com,.
