Të tjera detaje janë zbardhur nga atentati me dy persona të plagosur në zonën e “Don Boskos” në Tiranës. Në ngjarjen e cila ndodhi pasditen e kësaj të marte (3 shtator) u plagosën Kastriot Elezaj 45 vjeç dhe Ronaldo Metushi 22 vjeç. Mësohet se autorët kanë përdor pistoletë me silenciator, pasi nuk janë dëgjuar të shtëna.
Mësohet se dy persona, të cilët u plagosën kanë qenë duke pirë kafe në një nga lokalet e zonës.
Autorët pasi kanë kryer krimin e rëndë janë larguar me një makinë, e cila është gjetur e djegur në zonën e Kamzës.
Mësohet se dy personat e plagosur ndodhen në spital. Kastriot Elezaj ka plagë në gjoks, ndërsa Renaldo Metushi a plumb në këmbë.
SHENJESTRA KASTRIOT ELEZAJ
Kastriot Elezaj 45 vjeç mësohet se është shënjestra e atentatit në Don Bosko.
Mësohet se personi i dytë i plagosur, 22-vjeçarin Ronaldo Metushi e kanë kapur plumbat aksidentalisht, pasi ka qenë kamarier në lokalin ku ka ndodhur ngjarja.
Burime bëjnë me dije se 45-vjeçari është një emër i njohur për policinë. Ai ka qenë i dënuar për trafik narkotikësh në Itali.
Vetëm pak muaj ka që ka ardhur në Shqipëri, pasi ka qenë ekstraduar në Itali. Pasi ka mbaruar dënimin është rikthyer në Shqipëri.
Tiranë/Informacion paraprak
Më datë 03.09.2024, në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorëve të dyshuar.
