Kryeministri i Shqipërisë, Edi Rama, konfirmoi pak minuta më parë se ka patur informacion për vdekjen e një shqiptari, pjesëtar të ushtrisë ukrainase, i cili po i rezistonte avancimit rus në Ukrainë.
Bëhej fjalë për 24- vjeçarin shqiptar, Emanuel Bazanjin. Pas këtij lajmi të trishte duket se informacioni i Kryeministrit ka rezultuar fals. Sipas një komunikimi nga Top Channel, bëhet me dije se Emanuel Bazanjik është gjallë dhe përmes një iniciative personale e private i është bashkuar ushtrisë së Ukrainës dhe është pozicionuar në mbrojtje të Kievit.
“Mirë jam. Gjallë…. “, është përgjigja e tij.
Më tej Emanueli na tregon se çfarë është duke ndodhur në repartin ushtarak ku ai shërben si pjesë e legjionit Gjeorgjian.
“U bombarduam sot me aviacion dhe helikopter“, shkruan Emanueli, i cili thekson se ndodhet në një situatë të rrezikshme.
Pas këtij komunikimi Bazheli tha se i duhej të fikte telefonin pasi sistemi GPS i telefonit ‘smart’, mund të shërbejë për rusët në identifikimin e vendndodhjes.
