Kryetari i PD-së, Lulzim Basha, përmes një postimi në Facebook, ka ironizuar takimin e Ramës me emigrantët, duke u “uruar” kthim të mbarë administratës nga ky ekskursioni.
Ai e quajti një nacionalizëm shterpë të gjithë këtë vizitë të Kryeministrit, duke e krahasuar si një gjethe fiku pas së cilës fshihen premtime të pambajtura ndaj diasporës.
Postimi i Kryetarit të PD-së, Lulzim Basha:
Kthim të mbarë administratës shtetërore të shpërngulur në Athinë për këtë ekskursion të shtrenjtë të kryeministrit që shpopulloi vendin dhe pengon votën e atyre që degdisi rrugëve të botës për shkak të keqqeverisjes dhe korrupsionit.
Nacionalizmi shterpë është gjethja e fikut pas të cilës fsheh premtimet e pambajtura ndaj bashkëqytetarëve tanë në emigrim, të cilëve u kemi borxh të drejtën e votës një orë e më parë.
