Detaje të tjera janë zbuluar në lidhje me trupin e pajetë të një mashkulli që u gjet më herët gjatë kësaj të mërkure.
Policia bën me dije se viktima është gjetur i pajetë rreth orës 18:00, në plazhin e fshatit Ndërnënas, Fier, në breg të detit. Ai i përket moshës 40 vjeçe.
Nga këqyrja paraprake e viktimës, nuk dallohen shenja dhune, shtojnë burimet zyrtare.
Ndërkohë, grupi hetimor po punon për sqarimin e plotë të rrethanave të ngjarjes dhe identifikimin e viktimës.
Njoftimi i policisë:
Fier/Informacion paraprak
Sot, rreth orës 18:00, në plazhin e fshatit Ndërnënas, Fier, në breg të detit, është gjetur i pajetë, dyshohet i mbytur, një shtetas rreth 40 vjeç.
Nga këqyrja paraprake e viktimës, nuk dallohen shenja dhune.
Grupi hetimor po punon për sqarimin e plotë të rrethanave të ngjarjes dhe identifikimin e viktimës./GSH
