Për të hënën janë paralajmëruar protesta kundër vendimit të Gjykatës Themelore të Kumanovës, e cila ka urdhëruar që babai i Almir Aliut, 4 vjeçarit që u shkel për vdekje me makinë nga Boban Iliqi më 4 korrik të vitit 2016 të paraqitet në burg më 1 mars. Sipas vendimit të gjykatës, babai i Almirit, Sedat Aliu dhe dy familjarët e tij, Avdulla Aliu dhe Sami Demiri janë dënuar me 6 dhe 9 muaj burg. Protesta do të mbahen në Kumanovë para Gjykatës Themelore.
Mbrojtja e familjes së Almirit ka dërguar në gjykatë kërkesë për shtyerjen e vuajtjes së dënimit me burg. Ndërkohë Avokati Asmir Alispahiç tha për Televizionin Shenja se janë duke përgaditur edhe ankesë për në Gjykatën për të drejtat e njeriut në Strazburg.
