Protestuesit që bënin thirrje për një armëpushim në Gaza ndërprenë Sekretarin Amerikan të Shtetit Antony Blinken gjatë një seance dëgjimore në Senat. Me pankarta në duar “Jo rrethimit të Gazës”, protestuesit bërtisnin vazhdimisht “armëpushim tani!”
Sekretari i Shtetit bëri një pauzë dhe ligjvënësit u detyruan të pezullonin seancën disa herë. Policia e Kapitolit i nxori shpejt demonstruesit nga dhoma kur ata filluan të bërtasin. 12 persona janë arrestuar.
Gjatë fjalës së tij, Blinken tha se të gjithë janë të përkushtuar për mbrojtjen e jetës civile, por theksoi se ishte “e domosdoshme” që SHBA të qëndronte me aleatët e saj.
“Të gjithë ne jemi të përkushtuar për mbrojtjen e jetës civile. Të gjithë ne e dimë vuajtjen që po ndodh ndërsa flasim, të gjithë jemi të vendosur t’i shohim fundin“, tha ai.
Sekretari Blinken dhe sekretari amerikan i mbrojtjes Lloyd Austin po dëshmojnë në lidhje me kërkesën e Shtëpisë së Bardhë për financimin e sigurisë kombëtare prej 106 miliardë dollarësh, ku përfshihen 14.3 miliardë dollarë për të mbështetur përpjekjet ushtarake të Izraelit kundër Hamasit.
/rtsh.al/
