Një situatë e pazakontë është regjistruar në ambientet e Gjykatës së Vlorës, ku pas një vendimi të dhënë, gjyqtari Arqile Basho 63-vjeç është dhunuar nga të paditurit.
Tre vëllezërit Myslym Myslimi 60 vjeç, Fatosh Myslimi 62 vjeç dhe Elmaz Myslimi 64 vjeç janë vënë në prangat e policisë së Vlorës, pasi akuzohen se dje, kanë dhunuar në ambientet e Gjykatës së Vlorës, gjyqtari Arqile Basho 63-vjeç pas një vendimi të dhënë.
Vëllezërit e arrestuar, kanë hedhur akuza në drejtim të këtij gjykatësi duke pretenduar se po i grabit pronën ndërsa sipas tyre vendimi nga gjykatësi është dhënë kundër tyre me korrupsion.
“Specialistët për Hetimin e Krimit në Komisariatin e Policisë Vlorë arrestuan në flagrancë për veprën penale “Kundërshtimi dhe goditja e gjyqtarit”, kryer në bashkëpunim, shtetasit M. M., 60 vjeç, F. M., 62 vjeç dhe E. M., 64 vjeç (vëllezër), të tre banues në Vlorë, pasi në bashkëpunim me njëri tjetrin, në ambientet e brendshme të Gjykatës, kanë kundërshtuar me dhunë, shtetasin A. B., 63 vjeç, banues në Gjirokastër, me detyrë gjyqtar në Gjykatën e Shkallës së Parë Vlorë”, thuhet në njoftimin e policisë.
Siç shihet edhe nga pamjet e mëposhtme, menjëherë sapo gjyqtari, jep vendimin për çështjen, ata e ndjekin nga pas për t’i kërluar llogari./albeu.com
/albeu.com
