Deputeti i Kuvendit të Kosovës nga radhët e Lëvizjes Vetëvendosje, Ismajl Kurteshi, ka reaguar ndaj deklaratave të Kryetarit të Gjilanit, Lutfi Hazirit, që i referoheshin situatës së krijuar në Lëvizjen Vetëvendosje.
Në një letër të shkruar përmes Facebook, Ismajl Kurteshi e ka quajtur Lutfi Hazirin të pafytyrë, prandaj dhe sipas tij nuk Haziri nuk meriton përgjigjie ndaj provokimeve të tij, njofton Klan Kosova.
”Letër Lutfi Hazirit,
Pa qenë asnjëherë i provokuar, kohëve të fundit,ti Lute je marr shumë me Bacin, por Baci ka heshtur. Ti e ke lehtë të merresh me fytyrat tona sepse ne kemi fytyra, por ne nuk kemi si të merremi me atë që ti nuk e ke.
Besoj që tani e ke të qartë pse unë nuk i përgjigjem provokimeve tua të ulëta.
Baci”
