Kryeministri i vendit, Albin Kurti ka takuar të hënën në mbrëmje komandantin e Forcës së Sigurisë së Kosovës, Bashkim Jashari me të cilin kanë folur për zhvillimin e FSK-së.
Kurti në një postim në Facebook shkruan se gjenerallejtënant Jashari nuk e ka prekur gjysmën e mandatit, por ngritja dhe rritja e FSK-së është e paparë në këta më pak se dy vjet e gjysmë.
“Komandanti i FSK-së, Gjeneral lejtnant Bashkim Jashari, ende nuk e ka prekur gjysmën e mandatit, por ngritja dhe rritja e FSK-së është e paparë në këta më pak se dy vjet e gjysmë.
Biseduam gjatë mbrëmë për të arriturat e deritashme, gjendjen aktuale dhe sfidat e ardhshme. Forcimi e zgjerimi i ushtrisë sonë me buxhet të dyfishuar, armatim të trefishuar dhe katërfishim të trajnimeve jashtë vendit është rruga e sigurt drejt NATO-s”, shkruan kryeministri.
