Kurti tregon hapur, Zoran Zaev e ka uruar për fitoren, por jo edhe Edi Rama

Se raportet ndërmjet kryeministrit të Shqipërisë, Edi Rama, dhe kreut të Lëvizjes Vetëvendosje, Albin Kurti, nuk janë të mira tani më është botërisht e ditur.

Për raportet e tyre të ndërsjella ka folur vetë Kurti, duke treguar se marrëdhëniet e tij me Ramën kanë ndryshuar për të keq, që nga dita kur u bë e ditur se Kryeministri i Shqipëriës i ka dhënë mbështetje presidentit të Kosovës, Hashim Thaçit, në idenë për shkëmbimin e territoreve dhe korrigjimin e kufijve.

Raporte jo të mira Rama-Kurti i konfirmon edhe njoftimi i fundit i kreut të Vetëvendosjes, nëpërmjet publikimit të letrave që ka marrë nga liderët e rajonit pas fitores në zgjedhjet e 6 tetorit.

Kurtin e ka uruar kryeministri i Maqedonisë së Veriut, Zoran Zaev, ish-presidenti i Kroacisë, Stipe Mesiç, gjithashtu edhe një urim i ka ardhur nga kryeministri i Bosnje e Hercegovinës dhe nga kreu i Kuvendit të Shqipërisë, por jo nga kryeministri i Shqipërisë, Edi Rama.

Megjithatë kreu i VV’së i cili pritet që të jetë kryeministër i Kosovës në intervistat e tij të para pak ditëve, ka thënë se ky raport i tij me Edi Ramën, nuk do të afektojë në raportet shtetërore midis Republikës së Shqipërisë dhe Republikës së Kosovës.

 

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme