Ambasada e Izraelit në SHBA ka publikuar foton e çiftit të qëlluar për vdekje në Uashington të mërkurën në mbrëmje (21.05.). Ata janë Yaron dhe Sarah, (Emrat e plotë sipas medias izraelite janë: Yaron Lischinsky dhe Sarah Milgram)
Ata u qëlluan për vdekje “nga një terrorist teksa po dilnin nga një aktivitet në Muzeun Hebre të Kryeqytetit në Washington DC”.
Autori është identifikuar si Elias Rodriguez, 30 vjeç nga Chicago.
I arrestuari për vrasjen para të shtënave u pa duke ecur përpara muzeut dhe gjithashtu u përpoq të hynte në muze më pas por atje ai u ndalua nga punonjësit e sigurisë së muzeut.
Incidenti vdekjeprurës ndodhi në sfondin e luftës midis Izraelit dhe militantëve islamistë të Hamasit në Rripin e Gazës. Izraeli është nën kritika të forta ndërkombëtare për veprimet e tij ushtarake në Gaza dhe situatën katastrofike humanitare për popullsinë në zonën bregdetare kryesisht të shkatërruar.
© SYRI.net
