Ky model garash vjen me 330KF dhe është certifikuar për pajisjet e sigurisë nga Federata Ndërkombëtare e Automobilizmit, transmeton Express. Volkswagen në fabrikën e saj ka prodhuar vetëm 20 njësi të këtij modeli dhe tashmë të gjitha janë shitur.
Motori 2.0-litër me 4 cilindra vjen nga Golf R dhe është modifikuar për të prodhuar 330KF. Ndërruesi i shpejtësive është sekuencial me gjashtë shpejtësi i cili fuqinë nga motori e dërgon tek rrotat e përparme.
Ky model është 40cm më i gjerë se Golfi standard. Këtë model nuk mund ta ngisni në rrugë, vetëm në pistë garash.
