Në ditët e para të javës së fundit të vitit, vendi ynë do të jetë nën ndikimin e rrymave të ngrohta që po vijnë nga Mesdheu dhe Europa perëndimore, ku do të kushtëzojnë mot kryesisht të butë.
Sipas “Prishtina Weather”, nga mesi i javës fusha të presionit të ulëta nga Atlantiku do të depërtojnë mbi rajon, që do të sjellin mot me shi, e në fundjavë priten edhe reshje bore.
Ditëve të para të javës do të mbajë mot i butë, kryesisht me diell, e ditën e mërkurë me vransira dhe diell. Të martën e mërkurën në mëngjes në vise të ulëta priten mundësi edhe për mjegull.
Të enjten do të vazhdoj të mbajë mot i butë, por kryesisht i vranët, me erë dhe kohëpaskohe me shi, e në vise malore mbi 1200m priten edhe reshje bore. Të premten, do të mbajë mot kryesisht i vranët, vende-vende me reshje të dobëta shiu, e pasdite dhe në mbrëmje reshjet do të shndërrohen në reshje bore.
Temperaturat e ajrit do të rriten mbi vlera mesatare për këtë periudhë. Minimalet do të luhaten nga -1C deri 3C, e ato maksimale nga 7C deri në 10C, e nga dita e premte do të zbresin në 5C, njofton GazetaBlic.com
Do të fryejë erë e lehtë dhe mesatare nga juglindja 2-8m/s, e ditën e enjte priten edhe hove deri në 14m/s.
Shtypja atmosferike nga vlera mbi normale, në fillim të javës, do të pësojë rënie nën vlera normale.
