Sot ka vdekur edhe një punëtor në vend të punës gjatë ndërtimit të autostradës “Arbën Xhaferi”. Kjo është vdekja e dytë brenda një periudhe të shkurtër.
Mësohet se punëtori i vdekur është nga rrethina e Prizrenit dhe quhet Tafil Tafallari. Ai është rreth moshës 40-vjeçare.
Në informacionet e deritashme që ka marrë Ndërtimi.info nga Policia e Kosovës, thuhet se ai është shkelur nga një kamion dhe aty ka gjetur vdekjen.
Në anën tjetër, ministri Pal Lekaj ka reaguar për këtë rast dhe ka thënë se tashmë do të takohen kompaninë për diskutimin e kësaj çështje, e kompania “Bechtel-Enka” ka thënë se janë duke pritur konstatimet e institucioneve përkatëse dhe se po luten për familjen e viktimës.
