Ky është qëndrimi i Aleancës për Shqipëtarët lidhur me bisedimet BDI-VMRO

Aleanca për Shqiptarët, në kumtesën e saj për media, thotë se i ndjek me vëmendje të veçantë bisedimet mes BDI-së dhe VMRO-së.

“Me këtë rast rikujtojmë BDI-në se pjesëmarrja “pa kushte” në qeveri është praktikë e dëmshme dhe i takon të kaluarës politike, jo të lavdishme të shqiptarëve të Maqedonisë. I rekomandojmë BDI-së të ketë parasysh interesat kolektive të shqiptarëve duke mos lëvizur aspak prej kushteve të cilat u dakorduan në tryezën e përbashkët të partive politike shqiptare. Nuk mund të ketë perspektivë euro-atlantike vendi pa vazhdimin e mandatit të Prokurorisë Speciale Publike, pa barazinë e plotë dhe frymimin binacional të shtetit, pa sundimin e së drejtës, pa implementimin e raportit të Pribesë, pa zbardhjen e rasteve të montuara politike dhe vënien përpara përgjegjësisë të personave që inskenuan ato”, thuhet në komunikatën e partisë. njofton /Portalb/

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme