Lagjet e Shkupit, Aerodrom dhe Novo Lisice, janë mbuluar nga tymi sonte. Lëvizja në shëtitoret është zvogëluar ndjeshëm për shkak të erës së padurueshme, ndërsa revolta e banorëve është e madhe.
Alsat kontaktoi ekipin e zjarrfikësve në Autokomandë, nga ku informuan se retë e dendura burojnë nga zjarri në deponinë e Drislës, dhe rrymat e ajrit po i çojnë ato drejt lagjeve të Shkupit.
Banorët e këtyre pjesëve të kryeqytetit do të detyrohen të mbyllin dritaret dhe të kalojnë natën me kondicionerë të ndezur sonte.
