Kryetari i Kuvendit të Kosovës, Kadri Veseli, ka thënë se mësimi do të fillojë të hënën.
Kjo pas takimit që ai kishte me kryetarin e SBASHK-ut, Rrahman Jasharin, raporton lajmi.net.
Këtë, Veseli e ka bërë të ditur përmes një postimi në Facebook, ku ka shkruar se mësimi do të fillojë të hënën.
“Urime mësimdhënës dhe nxënës të dashur!
Mësimi fillon të hënën”, ka shkruar Veseli.
Kujtojmë se greva në arsim ka hyrë në javën e tretë.
SBASHK-u më herët kishte paralajmëruar se nëse nuk plotësohen kërkesat e tyre, mund të humbet i gjithë semestri veror.
