Bilanci i viktimave nga tërmeti në Shqipëri po vazhdon të rritet.
Në bazë të informacioneve të fundit të ardhura nga ministria e Shëndetësisë në Shqipëri, ky numër ka arritur në 15, shkruan lajmi.net.
Po ashtu nga ministria e Shëndetësisë në Tiranë kanë bërë të ditur se aktualisht 9 raste janë të cilësuara si më të rënda, ku të plagosurit nuk janë ende jashtë rrezikut për jetë.
Nën rrënoja raportohet se gjenden edhe dy vëllezër nga Kosova, Shemsedin e Isa Abazi.
Ata kanë shkuar gjatë mbrëmjes së djeshme në Shqipëri, ku kanë qëndruar në një hotel në Durrës.
Kryeministri i vendit, Ramush Haradinaj në një konferencë të jashtëzakonshme për media ka bërë të ditur se ka angazhuar edhe minatorët e Trepçës që të jenë në gatishmëri për të ndihmuar në zonat e prekura.
Ai ka thënë se nuk ka viktima nga Kosova.
Po ashtu, për në Shqipëri janë nisur edhe Forcat e Sigurisë së Kosovës si dhe Njësitë e Policisë nga Kosova.
Ndërkaq, Qeveria e Kosovës ka ndarë edhe 500 mijë euro si ndihmë për shtetin shqiptar.
