Gjykata e Lartë ka vendosur masën e sigurisë “Arrest në burg”, për veprën penale “Shpërdorimi i detyrës” ndaj Kryeinspektorit të Inspektoriatit të Mbrojtjes së Territorit në Bashkinë Himarë, të cilën policia e ka ekzektuar këtë të premte.
Funksionari me iniciale M. N., 37 vjeç, banues në Sarandë ishte dënuar më herët nga Gjykata e Apelit në Vlorë me masën “Detyrim paraqitje”, pasi dyshohet se, me veprimet dhe mosveprimet e tij, ka lejuar ndërtime pa leje, në zona të ndryshme, në Himarë.
Sipas policisë, materialet i kaluan Prokurorisë, për veprime të mëtejshme.
Njoftimi i policisë:
DVP Vlorë
Specialistët e Hetimit të Krimit Ekonomiko-Financiar në DVP Vlorë bënë ekzekutimin e vendimit penal të Gjykatës së Lartë, për shtetasin M. N., 37 vjeç, banues në Sarandë, Kryeinspektor pranë Inspektoriatit të Mbrojtjes së Territorit të Bashkisë Himarë
Gjykata e Lartë ka vendosur prishjen e Vendimit datë 28.07.2021, të Gjykatës së Apelit Vlorë, e cila kishte vendosur masën “Detyrim paraqitje”, dhe lënien në fuqi të vendimit të Gjykatës së Shkallës së Parë Vlorë, datë 14.07.2021”, e cila ka caktuar për këtë shtetas masën e sigurisë “Arrest në burg”, për veprën penale “Shpërdorimi i detyrës”
Ky shtetas dyshohet se, me veprimet dhe mosveprimet e tij, ka lejuar ndërtime pa leje, në zona të ndryshme, në Himarë.
Materialet i kaluan Prokurorisë, për veprime të mëtejshme.
