Barcelona ka arritur të fitoj një ndeshje shumë të rëndësishme ndaj Sevillas me rezultat minimal 1-0.
Por fitorja ka lënë shije të hidhur te katalunasit, pasi sulmuesi brazilian Raphinha u largua nga ndeshja i lënduar.
Anësori lëshoi fushën në minutën e 37-të dhe tani Barcelona ka dhënë përditësime të reja rreth lëndimit të tij.
Tani Barcelona ka dhënë detaje rreth lëndimit të brazilianit pasi janë bërë testet mjekësore.
“Testet e bëra te lojtari i ekipit të parë, Raphinha, tregojnë se ai ka një dëmtim në kofshën e djathtë. Ai nuk është i disponueshëm për përzgjedhje dhe rikuperimi i tij do të diktojë rikthimin e tij”, ka shkruar Barcelona.
Megjithatë mediat në Spanjë kanë raportuar se Raphinha do të mbetet jashtë fushave për tre deri në katër javë.
Rikthimi i tij në fushë pritet të bëhet në El Clasico ndaj Real Madridit më 28 tetor.
