Kongresmeni amerikan, Lee Zeldin, që gozhdoi një ditë më parë Sekretarin e Shtetit, Antony Blinken në lidhje me vendimin për ish-kryeministrin Sali Berisha, i ka dërguar një letër Departamentit të Shtetit.
Ai kërkon prej tyre informacion të detajuar për procesin e ndjekur për të marrë këtë vendim.
“Departamenti i Shtetit ka shpallur së fundmi sanksione ndaj ish-presidentit dhe ish-kryeministrit të Shqipërisë, Sali Berisha, duke cituar përfshirjen në korrupsion domethënës. Sipas këtyre sanksioneve, Berisha, gruaja dhe fëmijët e tij nuk lejohet të udhëtojnë drejet SHBA.
Pas mundësisë për të diskutuar këto sanksione me Sekretarin Blinken gjatë një seance dëgjimorë të Komisionit të Jashtëm të Kongresit, po u kërkoj akses tek i gjithë informacioni ku është bazuar Departamenti i Shtetit për të marrë këtë vendim ndaj Berishës dhe familjes së tij.
Përveç kësaj, po kërkoj edhe një shpjegim të detajuar për procesin që ka ndjekur Departamenti i Shtetit për të vendosur mbi këtë rast”.
© SYRI.net
