Sot, kryetari i Lëvizjes BESA, Bilall Kasami, së bashku me deputeten, Teuta Bilalli dhe Shefin e Kabinetit të Kryetarit, Faton Fazliu ka realizuar takim me zv/Ambasadorin e Britanisë së Madhe në Shkup, z. Paul Edwards dhe këshilltarin politik pranë kësaj Ambasade, z. Ian Cramman.
Në këtë takim kryesisht është biseduar për funksionimin e Paralementit si dhe reformat e nevojshme e të domosdoshme, për të shkuar Maqedonia drejt progresit, me këtë rast përfaqësuesit e BESËS kanë thënë se janë të gatshëm që të japin kontributin e tyre në realizimin e reformave të nevojshme.
Të dyja palët janë dakordësuar që takime të këtilla miqësore të vazhdojnë edhe në të ardhmen.
