LG ka prezantuar sot pajisjen e re V20, telefoni i parë i ri që do të punojë me sistemin e ri operativ, Android 7.0 Nougat.
Një prej tipareve kryesore që V20 ka në dispozicion është ajo që LG e quan 32-bit Hi-Fi Quad DAC. Përmes kësaj teknologjie, LG premton të sjell kualitetin më të lartë të zërit me çfarëdo dëgjuese.
Kompania poashtu ka premtuar inçizim të audios në formatin HD duke u mundësuar përdoruesve kualitet të zërit të njejtë me atë të studiove të inçizimit, tipar që nuk ofrohet në asnjë telefon tjetër.
LG V20 do të jetë i pajisur me ekran 5.7 inç në rezolucion 1440p IPS LCD dhe ekranin dytësor, njejtë sikur paraardhësi i tij. Poashtu sikur V10, pajisja e re nga LG posedon hapësirë të brendshme prej 64GB dhe RAM memorie prej 4GB. Bateria e pajisjes do të ketë kapacitet prej 3200 mAh.
V20 pritet të lansohet në Korenë jugore muajin e ardhshëm.
