Lista Srpska ka marrë vendim të prerë për seancën ku pritet të votohet Marrëveshja për Ratifikimin e Demarkacionit me Malin e Zi.
Shefi i Grupit Parlamentar, Igor Simiq ka thënë për “Indeksonline” se deputetët e partisë së tij nuk do të jenë në Parlament. “Nuk do te jemi ne Kuvend sot”, ka thënë shkurt ai.
Ndryshe, as në seancën e djeshme deputetët e Srpska-s nuk ishin të pranishëm në sallë. Ndërkohë, bojkotit i është bashkuar edhe deputetit i këtij grupi, gorani, Adem Hoxha.
Ky i fundit iu kishte premtuar qeveritarëve kosovar se vota e tij do të jetë pro kësaj çështje.
Vlen të theksohet se koalicioni qeverisës deri më tani ka të siguruar 79 vota. Ishte deputeti i LDK-së, Ramiz Kelmendi i cili ‘prishi’ formulat që kjo marrëveshje të kalojë. /Indeksonline/
