E teta e finales së Ligës së Kampionëve me dy derbi: Liverpool – Real dhe PSG – Bayern.
Sot në Nyon të Zvicrës është hedhur shorti i së tetës së finales së Ligës së Kampionëve.
Nga ky short, në fazën e parë eliminuese të Championsit dolën dy derbi.
Pa dyshim, dueli kryesor do të jetë ai mes finalistëve të fundit të kësaj gare, Real Madrid dhe Liverpool, shkruan Gazeta Express.
Pa dyshim, kjo do të jetë një përballje gjigantësh, një finale para finales.
E një tjetër sfidë e madhe do të jetë ajo ndërmjet Paris Saint-Germainit me Bayern Munichun.
Edhe në këtë rast do ta kemi një ballafaqim mes dy kandidatëve për ta fituar këtë trofe.
Milani do të ketë punë me Tottenhamin e Antonio Contes, kurse Interi do t’i masë forcat me Porton.
Më poshtë mund t’i shihni çiftet e së tetës së finales së Ligës së Kampionëve.
