Liderët e partive Lëvizja për Reforma-PDSH, Uniteti dhe Rilindja Demokratike Kombëtare kanë vendosur nënshkrimet për listat për deputetë për zgjedhjet e 11 dhjetorit në Maqedoni. Sipas burime partiake, listat për deputetë do të dorëzohen në KSHZ në afatin e paraparë, deri nesër në mesnatë.
Ajo që është bërë e ditur jozyrtarisht deri më tani, Ziadin Sela konkurron në njësinë e 6 si bartës, i pasuar nga Vesel Memedi i RDK-së. Ndërsa në njësinë e parë do të jetë bartës Zulfi Adili nga Uniteti i pasuar nga Arben Taravari i LR-PDSH. Nga këto parti kanë paralajmëruar se do të dalin publikisht lidhur me listat e kandidatëve për deputetë./INA
