Lidhja Social-Demokrate e Maqedonisë (LSDM) e dënon ashpër incidentin e vandalizimit të Shtëpisë së Alfabetit, akt që ka ndodhur sot në mëngjesin e hershëm.
Kjo parti pret nga organet përgjegjëse që të ndriçojnë rastin në fjalë, duke shtuar se, siç thonë, kanë paralajmëruar se nxitja e dhunës dhe urrejtjes nga Nikolla Gruevski dhe mbështetja nga kryetari Gjorge Ivanov, çojnë drejt pasojave të dëmshme dhe të rrezikshme për qytetarët e Maqedonisë.
LSDM-ja i thërret qytetarët që të jenë të qetë dhe të mos bien në provokime të, siç thonë, të pushtetit të frikësuar në ikje./Sakte.net
