Deputeti i LSDM-së Nenad Kociq shprehu besimin se qeveria do të bëjë gjithçka, që është e mundur për të respektuar ligjet dhe për të mbrojtur pronësinë e televizionit Alsat. Sipas të dhënave të tij, rasti ekziston që nga koha e ministrit nga radhët e VMRO-DPMNE-së, Stavrevski.
“Rasti daton që nga koha e ministrit Stavrevski. Jam i sigurt se qeveria aktuale do të bëjë gjithçka për të respektuar ligjet, dhe për të mbrojtur pronën private të secilit pronar, në këtë rast të Televizionit Alsat”, tha Kociq.
Një pjesë e pronës së televizionit, e blerë me dokumente të pastra, Gjykata e Apelit vendosi ta nxjerrë në shitje me arsyetimin se dikur ishte nën hipotekë. /Alsat.mk
