Lideri i AKR-së, Behgjet Pacolli, ka thënë se presidenti amerikan, Donald Trump është president i mirë dhe se ai edhe më herët do të duhej të vinte në krye të ShBA-së.
“Kam pasur besim të plotë se do të fitojë Donald Trump, isha i sigurt edhe para daljes se rezultateve se do të fitonte. Bile unë pata përshtypjen se është e vonuar zgjedhja e tij si President. Trump do të jetë një president absolutisht i suksesshëm. Unë do të veproja kësisoj me Kosovën. Do të veproja njëjtë si Trump, kjo i nevojitet Kosovës. Në Kosovë nevojitet veprim me efekt imediat, jo diçka tjetër”, ka thënë Pacolli në “Zona B” të “Klan Kosovës”. Pacolli po ashtu është i mendimit se edhe me Trumpin, Kosova do të ketë raporte të mira me ShBA-të.
Në anën tjetër kandidati i vetëshpallur Ismet Hebibi thot se ani ka kohë që kishte besuar se Trump është i duhuri për të udhëhequr Amerikën.
Ismet Hebibi në një postim të tijë në rrjetin social Facebook kishte thënë:
Populli im i dashur, perkrahesit e mi te respektuar- mikesha te nderuara dhe miq te çmuar ne jete dhe ne fb. Te kuptohemi drejte dhe shqip- une nuk kam ambicie apriori per tu bere President per veti – por dua te skarifikohem dhe te behen per te miren e Juaj dhe te shtetit te Kosoves.Deshira ime eshte te dalim nga kjo gjendje kaotike dhe e pashprese- dhe mundemi bashk nese bashkohemi te gjithe te dijturit, te drejtit dhe te ndershmit. Kosova ka plote te atille-Kosova ka shprese me Ju!
Kosovës i duhet Dr. Ismet Hebibi si President, dhe pikë!
