Përkundër startit të dobët këtë edicion, e ardhmja e trajnerit Erik ten Hag në krye të Manchester Unitedit është e sigurt.
“The Guardian” ka shkruar të enjten se tek Unitedi nuk po e mendojnë shkarkimin e teknikut holandez.
Madje thuhet se atij i është dhënë garanci se do të mbetet në krye të klubit deri në fund të kontratës, pavarësisht rezultateve që do t’i ketë.
Unitedi është në krizë të rezultateve këtë edicion, ku ka regjistruar 4 humbje në 7 ndeshje të luajtura në Premier League, si dhe ka dy disfata në dy xhirot e para të Ligës së Kampionëve.
Ten Hag mori drejtimin e Unitedit në verën e vitit të shkuar dhe me ekipin anglez ka kontratë deri në vitin 2025.
Në edicionin e tij të parë tek Unitedi, Ten Hag e fitoi Kupën e Ligës.
