Me fluturime çarter deri në aeroportin e Shkupit, duhet të kthehen në vend shumica e qytetarëve që janë jashtë vendit e të cilët kanë kërkuar ndihmë nga MPJ-ja. Ata do të duhet t’i paguajnë biletat e tyre të aeroplanit dhe të pranojnë të kalojnë 14 ditë në karantinën e shtetit. Thirrjen publike deri te kompanitë ajrore që të organizohen fluturime çarter do ta dërgojë Sekretariati i Përgjithshëm, për të cilin Qeveria miratoi mbrëmë vonë Dekret.
Ministri i Punëve të Jashtme, Nikolla Dimitrov tha dje se deri në afatin e fundit për paraqitje ora 18:00 më 22 mars 2020, ndihmë nga MPJ-ja për t’u kthyer në vend kërkuan 5000 shtetas të Maqedonisë. Deri më tani janë përpunuar 4000 aplikime dhe 2100 qytetarë janë pajtuar me kushtet e përcaktuara dhe do të kthehen në mënyrë të organizuar.
Një ekip kujdestar i MPJ-së i paraqitet çdo personi në veçanti që të tregojë se për shkak të krizës do të duhet të kenë kompensim të caktuar të shpenzimeve për fluturimit çarter dhe se do të duhet të pranojnë të kalojnë një karantinë dyjavore.
Numri më i madh i qytetarëve të paraqitur janë nga vendet evropiane, kryesisht nga Gjermania. Qëllimi, thotë Dimitrov, është t’u ndihmohet atyre që nuk kanë mundësi të kthehen, ata që nuk kanë shtëpi tjetër.
“Ne nuk do të kemi burime që të organizojmë çartere sepse kemi nga një qytetar që është paraqitur nga Tajlanda, Zelanda e Re. Para së gjithash, do të shkojmë në vendet ku ka një përqendrim të madh dhe kërkesa më të mëdha, siç janë vendet evropiane”, tha Dimitrov.
Qeveria e Republikës së Maqedonisë së Veriut ka miratuar Dekret me të cilën e angazhoi Sekretariatin e përgjithshëm që të dërgojë thirrje deri te kompanitë ajrore të organizojnë çarter fluturime
Pas shpalljes së thirrjes publike nga Sekretariati i Përgjithshëm, afati i fundit për pranimin e ofertave është 12 orë nga koha e shpalljes së thirrjes. Kriteri për dhënien e një kontrate për furnizim publike publik është çmimi më i ulët.
Sekretariati i Përgjithshëm do të lidhë kontratë dhe do të paguajë ofertën e zgjedhur më të favorshme në bazë të kritereve të përzgjedhjes. Personat që paraqiten në thirrje gjatë hyrjes në aeroplan do të nënshkruajnë një marrëveshje midis tyre dhe Qeverisë së Republikës së Maqedonisë së Veriut, në të cilën garantohet se ata do të paguajnë shumën e caktuar në llogari të Qeverisë dhe do të plotësojnë një Deklaratë se pajtohen pas arritjes në vend të akomodohen në objektet shtetërore për karantinë për një periudhë prej 14 ditor.
Personat do të merren nga Aeroporti ndërkombëtar i Shkupit, me transport të organizuar deri te vendet e përcaktuara për karantinë shtetërore.
“Udhëtarët që do udhëtojnë kanë afat prej 15 ditëve nga data e arritjes për të paguar shumën e biletave sipas kontratës së lidhur”, informojnë nga Qeveria.
