Ngjarja e rëndë e ndodhur një ditë më parë në Strumicë, ku dy të mitur kanë përdhunuar dhe vrarë një 67 vjeçare me iniciale D.M. e cila është gjetur e pajetë një ditë më parë në barakën ku ajo jetonte, ka tronditur opinionin maqedonas.
Sipas mediave vendase, dyshohet se të miturit e moshës 13 dhe 14 vjeçare kanë përdhunuar 67 vjeçaren, e cila sipas autopsisë ka humbur jetën si pasojë e dhunës.
“Janë ndërmarrë të gjitha masat për zbardhjen e rastit dhe është kryer obduksion me urdhër të prokurorit publik, gjatë së cilit është konstatuar se vdekja ka ardhur nga dhuna, për shkak të ngufatjes. Për shkak se dyshohet se janë kryerës të veprës penale “vrasje”, më 19.02.2021 nga liria janë privuar, në Gjevgjeli një i mitur – fëmijë (13 vjeçar) dhe në Strumicë një 14-vjeçar”, thuhet në njoftimin e MPB-së.
Ndërkohë ndaj të miturve është dhënë masa paraprake e dënimit, ku 14 vjeçari është lënë në paraburgim ndërsa 13 vjeçari është dërguar në qendrën e kujdesit social.
