Askush nuk mundi të futet në Maqedoninë Veriore, ani se Kosova ka hap kufijtë me shtetet e rajonit një gjë të tillë nuk e ka bërë ky shtet fqinj Maqedonia Veriore.
Krejt kjo pasi andej kufirit vazhdon të jetë gjendje e jashtëzakonshme për shkak të numrit të madh të infektuarave me virusin korona.
E mbyllja e kufirit thonë se ju ka shkartuar telashe edhe taksive që operojnë këndej pari.
Ata thonë se u janë pakësuar të ardhurat.
Si pasojë e mbylljes së kufirit ka edhe qytetarë kosovarë që kanë mbetur në Maqedoni.
Sipas kryetarit të Hanit të Elezit, Rufki Suma mos hapja e kufirit ua ka pamundësuar që t’i shohin edhe familjarët e tyre andej kufirit.
Ndërkohë gjendja e jashtëzakonshme në Maqedoni pritet të skadojë me 14 qershor, e qeveria e atjeshme pritet të vendos a do të kërkojë vazhdim të gjendjes së jashtëzakonshme,
Por, një gjë e tillë mund të bëhet vetëm pas vlerësimit të situatës epidemiologjike në këtë shtet. Një gjë të tillë e kanë thënë zyrtarë të Maqedonisë.
