“Nuk ka asnjë lloj negociatash të fshehta me Bullgarinë. Po bisedojmë për udhërrëfyes praktik për implementimin e Marrëveshjes për fqinjësi të mirë”, deklaroi për Telma, Sekretari i Ministrisë së Jashtme të Maqedonisë së Veriut, Zoran Popov. Ai është edhe anëtar i ekipit negociator me Bullgarinë.
“Forma akoma nuk është konfirmuar. Po bisedohet për dokumentin, do të shohim se a do të jetë memorandum apo protokoll për implementimin e Marrëveshjes. Udhërrëfyesi është një pjesë e negociatave që do të pasojnë dhe këtu nuk ka punë të fshehta apo detaje”, theksoi Popov, njofton INA.
Sipas tij, udhërrëfyesi ka të bëjë me përshpejtimin e implementimit të marrëveshjes për fqinjësi të mirë dhe bashkëpunim në fusha të ndryshme si: ekonomi, arsim, mbrojtje, kulturë, ambient jetësor dhe të tjera.
© SYRI.net