Ish-kryeministri italian, Matteo Renzi, viziton sot kampin e Gjadrit në Lezhë, pas vendimit të gjykatës italiane, e cila i dha të drejtë qeverisë për marrëveshjen me Shqipërinë për emigrantët.
Mësohet se ish-kryeministri Renzi ka mbërritur në Gjadër për të inspektuar kampet e emigrantëve.
Sipas marrëveshjes me Italinë, të nënshkruar mes dy qeverive më 6 nëntor të vitit 2023, porti i zbarkimit të refugjatëve nga vendet e treta është Shëngjini, ku është ngritur qendra pritëse.
Ndërsa në Gjadër është ngritur kampi ku emigrantët do të qëndrojnë deri në shqyrtimin e kërkesave për azil.
Kampi i Gjadrit do të ketë këtë funksion, të paktën deri kur Gjykata Europiane e të Drejtave të Njeriut të përcaktojë se cilat konsiderohen vende të sigurta origjine, një listë që do të ketë fuqi për gjithë Bashkimin Europian.
