Zhvillohet sot në Gjykatën e Lartë seanca gjyqësore për Ilir Metën, i cili kërkon zëvendësim të masës së sigurisë.
Shqyrtimi i rekursit të ish-Presidentit të vendit në Dhomë Këshillimi do të mbahet në orën 09:30.
Seanca ishte parashikuar të mbahej më 10 tetor, por për shkak të mbledhjes së gjyqtarëve në Këshillin e Lartë Gjyqësor, u shty për ditën e sotme.
Ilir Meta qëndron në paraburgim prej 21 tetorit të vitit të kaluar.
Në dosje, Ilir Meta dhe ish-bashkëshortja e tij, Monika Kryemadhi akuzohen për: korrupsion pasiv, pastrim parash dhe mosdeklarim të pasurisë, në lidhje me lobimin e LSI në SHBA.
Nëna e Kryemadhit, Fatime Kryemadhi, dhe shtetasit Pirro Xhixho e Ema Çoku akuzohen gjithashtu për pastrim parash dhe korrupsion. Konkretisht, Xhixho për korrupsion pasiv të funksionarëve të lartë, në bashkëpunim.
