Lëvizja Vetëvendosje do të mbajë mbledhjen e Këshillit të Përgjithshëm të partisë.
Aty i pari ka arritur deputeti Liburn Aliu, i cili edhe ka qenë iniciator i mbajtjes së kësaj mbledhje, raporton Indeksonline.
Kujtojmë se kjo mbledhje po mbahet për shkak të pakënaqësive brenda partisë së VV-së dhe përçarjeve që ndodhën pas publikimit të një bisede ku Aida Dërguti e quajti Albin Kurtin “m**”.
Ky veprim kishte ngjallur përplasje mes anëtarëve të Vetëvendosjes, ku më pas edhe u publikua në media se kjo parti është ndarë në dysh, në njërën bëjnë pjesë grupi i Dardan Molliqajt dhe në tjetrin ai i Albin Kurtit.
Ky i fundit, ndërkohë është në paraburgim për shkak të gazit lotsjellës të hedhur në Kuvendin e Kosovës.
